Հռոմի պապն աղոթել է բոլոր ռազմագերիների շուտափույթ վերադարձի համար
Մինչ Ուկրաինան և Սուրբ Աթոռը տոնում են ռուսաստանյան զորքերի կողմից տասը ուկրաինացի ռազմագերիների ազատ արձակումը, Հռոմի պապ Ֆրանցիսկոսն աղոթել է, որ բոլոր ռազմագերիները շուտով հայրենիք վերադառնան, հաղորդում է Vatican News-ը:
Հունիսի 29-ին Սուրբ Պետրոսի և Պողոսի տոնի պատվին իր «Անգելուս» աղոթքի ավարտին Սրբազան Հոր մտքերը մասնավորապես վերաբերել են քահանաներին, որոնք ազատ էին արձակվել գերիների փոխանակման շրջանակում:
Հռոմի պապը նաև կոչ է արել բոլոր ներկաներին միասին աղոթել բոլոր գերիների տուն վերադարձի համար։ Միևնույն ժամանակ նա ցավով է խոսել պատերազմի պատճառով տառապող եղբայրների և քույրերի մասին։
«Եկեք մտածենք բոլոր այն մարդկանց մասին, որոնք վիրավորվել են կամ վտանգի տակ են հայտնվել մարտերի հետևանքով»,- ասել է Հռոմի պապը՝ խնդրելով Աստծուն «ազատել նրանց և աջակցել խաղաղության համար մղվող պայքարում»։
Ուրբաթ երեկոյան քահանաներ Իվան Լևիցկին և Բոգդան Խելետան ութ այլ գերիների հետ միասին ազատ են արձակվել Ռուսաստանի կողմից՝ Ուկրաինայի հետ փոխանակման շրջանակներում:
