Մեքենան Շիրակի փողոցում հայտնվել է «Գազպրոմ»-ի փորած փոսում

Երեկ՝ մայիսի 2-ին, «Գազպրոմ Արմենիա» ընկերության փորած փոսի պատճառով հերթական ավտոմեքենան է շարքից դուրս եկել։ Շիրակի փողոցում, ժամը 20։50-ի սահմաններում Արմավիրի մարզի բնակիչ 44-ամյա Արմեն Ք․-ն իր վարած «Hyundai Elantra» մակնիշի ավտոմեքենայով ընկել է «Գազպրոմ»-ի փորած փոսը։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, տուժածներ չկան։

Աղբյուրը հայտնում է, որ նշված աշխատանքները իրականացվում է «Դավ-Վահ» ՍՊԸ-ի կողմից , իսկ տնօրենը՝ Դավիթ Աբրահամյանն է։