Իրանի վրա Իսրայելի հարձակումներից վիրավորվել է առնվազն 50 մարդ, այդ թվում՝ երեխաներ
- Lilit
- Jun 13
- 1 min read
Իրանի պետական հեռուստատեսությունը հայտնել է, որ Թեհրանի վրա Իսրայելի հարձակումներից վիրավորվել է առնվազն 50 մարդ, այդ թվում՝ առնվազն 35 կին և երեխա։
«Իսրայելական ռեժիմի հարձակման հետևանքով մոտ 50 մարդ տեղափոխվել է հիվանդանոց... նրանցից առնվազն 35-ը կանայք և երեխաներ են», - ուղիղ եթերում ասել է պետական լրատվական հաղորդավարը։
Ավելի վաղ Իսրայելի պաշտպանության ուժերի (IDF) մամուլի ծառայությունը հայտնել էր, որ Իսրայելի ռազմաօդային ուժերը հարվածներ են հասցրել Իրանում տասնյակ թիրախների, որոնք ենթադրաբար կապված են երկրի միջուկային ծրագրի և ռազմական օբյեկտների հետ։ Ինչպես հաղորդում է Reuters-ը՝ հղում անելով իսրայելական ռազմական պաշտոնյայի, Իրանի վրա Իսրայելի հարվածների թիրախ են դարձել նաև իրանցի զինվորական հրամանատարները։
