Ինչպե՞ս է փոխվել ՊՆ ղեկավար կազմը պատերազմից հետո․ ովքե՞ր են ղեկավարում պաշտպանական գերատեսչությունը

Պատերազմից հետո ամենաշատ ղեկավար փոխած կառույցը պաշտպանության նախարարությունն է։ Պատերազմի ժամանակ պաշտպանական գերատեսչությունը ղեկավարում էր Դավիթ Տոնոյանը, որին փոխարինեց Վաղարշակ Հարությունյանը, ապա Արշակ Կարապետյանը, իսկ այժմ երկրի պաշտպանությունն ի պաշտոնե վստահված է Սուրեն Պապիկյանին։

Պատերազմից հետո, սակայն, պաշտպանության նախարարությունում միայն նախարարի փոփոխություն չէ, որ տեղի է ունեցել։ Պաշտպանության նախարարի տեղակալներն այժմ օգոստոսին նշանակված Կարեն Բրուտյանն ու հունվարին նշանակված Արման Սարգսյանն են։

ԶՈւ Գլխավոր շտաբի պետի պաշտոնը զբաղեցնում է Արտակ Դավթյանը, որն այդ պաշտոնին նշանակվել է մարտի 22-ին։ Նա փոխարինեց Օնիկ Գասպարյանին։

ԳՇ պետի տեղակալներն են՝ Կամո Քոչունցը, որն այս պաշտոնում նշանակվել է 2021թ-ի սեպտեմբերի 13-ին, Ստեփան Գալստյանը, որը նշանակվել է դեռևս 2009թ-ին, Անդրանիկ Մակարյանը՝ 2019թ-ի նոյեմբերին, և Արայիկ Հարությունյանը, որն այդ պաշտոնին է 2021թ-ի օգոստոսի 9-ից։

Իսկ, ահա, ՊՆ Ռազմական ոստիկանության պետ Արշակ Զաքարյանն այս պաշտոնին նշանակվել է պատերազմից առաջ՝ 2020թ-ի օգոստոսի 6-ին։

Արմինե Նավոյան