Ավստրալիայի վարչապետը կոչ է արել երկրի քաղաքացիներին լքել Ուկրաինան
Ուկրաինայում գտնվող ավստրալացիները պետք է անհապաղ լքեն երկրի տարածքը. այդ մասին երկուշաբթի օրը՝ փետրվարի 7-ին, հայտարարել է Ավստրալիայի վարչապետ Սքոթ Մորիսոնը՝ Ազգային անվտանգության կոմիտեի նիստի ժամանակ. տեղեկությունը հրապարակվել է Ավստրալիայի վարչապետի կայքում։
«Վերջին մի քանի շաբաթվա ընթացքում մենք փորձել ենք կապ հաստատել Ուկրաինայում գտնվող բոլոր ավստրալացիների հետ՝ շատ հստակ ուղերձով. հիմա ժամանակն է հեռանալու», - ասվում է հայտարարության մեջ:
