Մահացել է Եվրախորհրդարանի նախագահը

Իտալիայում մահացել է Եվրոպական խորհրդարանի նախագահ Դավիթ Սասոլին։ Այդ մասին RaiNews24-ի եթերում հայտնել է նրա մամուլի քարտուղար Ռոբերտո Կուիլոն։

Մահը վրա է հասել իմունային համակարգի դիսֆունկցիայի պատճառով։

Հայտնի քաղաքական գործիչն ու լրագրողը մահացել է գիշերը՝ տեղի ժամանակով 01։15-ին, իտալական Ավիանո քաղաքի օնկոլոգիական կենտրոնում։ Նա 65 տարեկան էր։

Ավելի վաղ հաղորդվել էր, որ լուրջ բարդությունների հետևանքով դեկտեմբերի 26-ին Սասոլին հոսպիտալացվել է։