Սպանվել է 2 ոստիկան

Գերմանիայի ոստիկանությունը որոնում է երկրի հարավ-արևելքում երկու ոստիկանի սպանած հանցագործներին։

Ինչպես հաղորդում է BBC-ի ռուսական ծառայությունը, տեղի ժամանակով ժամը 04:20-ին ոստիկանությունը Ռեյնլանդ Պֆալց երկրամասի Կուզելի արվարձանում զննության համար կանգնեցրել է մի մեքենա։ Դրանից հետո մեքենայից նրանց վրա կրակ են բացել։ Երկու ոստիկանները՝ տղամարդ և կին, սպանվել են։

Տվյալ հատվածում ճանապարհները փակ են, իշխանությունները խորհուրդ են տալիս վարորդներին իրենց մեքենա չնստեցնել անծանոթների, քանի որ հարձակվողներից առնվազն մեկը զինված է։

Ոստիկանությունը տեղեկություններ չունի կասկածյալների մեքենայի, հանցագործների և հանցագործության շարժառիթների մասին։