Հայտնի է Հայաստան-Չեռնոգորիա հանդիպման օրը

Ֆուտբոլի Հայաստանի եւ Չեռնոգորիայի հավաքականների ընկերական հանդիպումը Երեւանում կանցկացվի մարտի 24-ին և կմեկնարկի 20։00-ին, հաղորդում է Հայաստանի ֆուտբոլի ֆեդերացիայի մամուլի ծառայությունը։

Ավելի վաղ ՀՖՖ-ն հայտնել էր, որ խաղը տեղի կունենա մարտի 25-ին, սակայն կողմերի միջև վերջնական պայմանավորվածությամբ օրը փոխվել է։ Հայաստանի հավաքականը մարտի 29-ին Նորվեգիայի մայրաքաղաք Օսլոյի «Ուլեվոլ» ստադիոնում ընկերական հանդիպում կանցկացնի Նորվեգիայի ազգային հավաքականի հետ:

Հայաստանի հավաքականը կպատրաստվի Ազգերի լիգայի B լիգայի առաջին խմբի հանդիպումներին։ Հայաստանի մրցակիցները կլինեն Ուկրաինայի, Իռլանդիայի և Շոտլանդիայի թիմերը։ Խմբային մրցաշարի հանդիպումները տեղի կունենան 2022թ․ հունիսին եւ սեպտեմբերին։

B լիգայի 4 խմբերի հաղթողները հաջորդ մրցաշրջանում հանդես կգան A լիգայում։ Խմբերում վերջին տեղ գրաված հավաքականները կնահանջեն C լիգա։