ՀՀ-ում բենզինի գինը կտրուկ բարձրացել է․ հանձնաժողովն արձագանքել է
ՀՀ մրցակցության և սպառողների շահերի պաշտպանության հանձնաժողովը գրություններ է ուղարկվել տնտեսվարողներին բենզինի` այսօր արձանագրված գների կտրուկ բարձրացման վերաբերյալ։ զրույցում այս մասին ասել է ՀՀ մրցակցության և սպառողների շահերի պաշտպանության հանձնաժողովի մամուլի խոսնակ Անի Սմբատյանը։
«Մենք մշտապես ուսումնասիրում ենք այս ոլորտը, այս պահին ևս։ Գրություններ են ուղարկվել տնտեսվարողներին»,– տեղեկացրել է Սմբատյանը։
Նշենք, որ վերջին շրջանում` չնայած նրան, որ Հայաստան դիզելային վառելիք և բենզին է ներկրվում նաև Ադրբեջանի տարածքով, հատկապես բենզինի գները օրեց օր նոր ցուցանիշներ են գրանցում։
Այսօր, օրինակ, ըստ մամուլի տեղեկությունների` պրեմիում տեսակի բենզինն այսօր վաճառվում է 600 դրամ` նախկին 570–580–ի փոխարեն, ռեգուլյար տեսակը` 540–550–ի փոխարեն այսօր վաճառվում է 580 դրամով։
