Պետությունն ամեն կերպ փորձում է աջակցել, որպեսզի առկա իրավիճակից հնարավորինս քիչ վնասներով մեր տնտեսվարողները դուրս գան. խոսնակ

Լրագրող Սյուզի Բադոյանն այսօր Մասիսի գյուղերից տեսանյութ էր հրապարակել, որտեղ գյուղատնտեսը ներկայացնում է, թե ինչ անելանելի վիճակում են հայտնվել ՌԴ-ի սահմանափակումների ֆոնեն։

14 տոկոսով վարկ է վերցրել և հիմա բերքը չի կարողանում արտահանել, բերքը փչանում է ջերմոցներում։

Էկոնոմիկայի նախարարի մամուլի խոսնակ Լիլիթ Շաբոյանն Aysor.am-ի հետ զրույցում նշեց, որ նախարարությունը այդ ուղղությամբ տարբեր քայլեր է ձեռնարկում. «Նոր ծրագրեր են ավելացել, որոնք ուղղված են տնտեսվարողների վնասների մեղմանը։ Դրանք տարբեր են՝ ուղղված ջերմոցատերերի վարկերի երկարաձգմանը, ունենք մի նախագիծ, որն այսօր նախարարը կզեկուցի։ Այսինքն՝ պետությունն ամեն կերպ փորձում է աջակցել, որպեսզի առկա իրավիճակից հնարավորինս քիչ վնասներով մեր տնտեսվարողները դուրս գան»։