Մերձավանում լարված մթնոլորտն ավելի է սրվում. կոտրել են Նարեկ Օհանյանի եղբոր գերեզմանը. լրագրող (Տեսանյութ)
- Lilit
- Oct 6
- 1 min read
Մերձավանում կոտրել են Գրիգոր Օհանյանի գերեզմանը, այս մասին հաղորդում է լրագրող Լիա Սարգսյանը։
«Մերձավանում օր օրի լարված մթնոլորտն ավելի է սրվում: Գիշերը անհայտ անձինք կոտրել են փետրվարին Մերձավանում սպանված Գրիգոր Օհանյանի գերեզմանը:
Նշենք, որ Գրիգորը Վալոդյա Գրիգորյանի և Կարեն Աբրահամյանի սպանության գործով սպանություններն օժանդակողի կարգավիճակ ունեցող Նարեկ Օհանյանի եղբայրն է:
Իրավապահները շուրջօրյա հսկողություն են սահմանել Օհանյանի գերեզմանին»,- գրել է լրագրող Լիա Սարգսյանը:
Հիշեցնենք` Սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ Սպանվել են Վալոդյա Գրիգորյանը և նրա հետ նույն վայրում գտնվող քրեական ոստիկանության աշխատակից Կարեն Աբրահամյանը: Այս գործով առայժմ կալանավորված են սպանությունը խոստովանած Գևոր Հարությունյանը և Նարեկ Օհանյանը: Վերջինիս մեղադրում են սպանություններին օժանդակելու մեջ:
