Սահմանի բացումը կարող է վերջնականապես ոչնչացնել գյուղատնտեսությունը. Ագնեսա Խամոյանը` Պապոյանին
- Lilit
- Sep 29
- 1 min read
«Մենք անգամ գյուղատնտեսության նախարարություն չունենք։ Ձեր իշխանությունների օրոք այն փակվել է։ Կարո՞ղ եք Արմավիրում վարունգ, լոլիկ աճեցնող կամ ջերմոց ունեցող գյուղատնտեսին բացատրել, թե սահմանների բացումից հետո ինչ է սպասվում իրեն։ Մեր գյուղատնտեսությունն առանց այն էլ ծանր վիճակում է և այդպիսի քայլի արդյունքում վերջնականապես կվերջանա»,- այսօրվա ՀՀ ԱԺ տարածաշրջանային և եվրասիական ինտեգրաման հարցերի մշտական հանաձնաժողովի նիստի ժամանակ ասել է «Հայաստան» դաշինքի անդամ Ագնեսա Խամոյանը։
Ի պատասխան՝ Գևորգ Պապոյանը վստահեցրել է, որ քաղաքացիները չպետք է մտահոգվեն, որովհետև կան բավարար գործիքներ և ֆինանսական մեխանիզմներ, որպեսզի որևէ բացասական ազդեցություն չլինի գյուղատնտեսության վրա։
«Գյուղատնտեսության նախարարություն կա-չկա դա ընդամենը բառախաղ է։ Կան փոխնախարարներ, կան համապատասխան ծրագրեր, որոնք նույն ծավալով իրականացվում են։ Օրինակ՝ այսօր Շիրակի մարզի Ազատան գյուղում կարտոֆիլը դաշտից մթերվում է 150 դրամով։ Խաղողը նույնպես նույն գնով է մթերվում։
Մեր քաղաքացիները չպետք է մտահոգվեն, որովհետև մենք ունենք բավարար գործիքներ և ֆինանսական մեխանիզմներ, որպեսզի որևէ բացասական ազդեցություն չլինի»,- նշել է Պապոյանը։
