Եվրոպական հանձնաժողովը ավելի քան 157 մլն եվրոյով տուգանել Է Gucci-ին, Chloé-ին և Loewe-ին մրցակցության կանոնները խախտելու համար
- Lilit
- Oct 14
- 1 min read
Եվրոպական հանձնաժողովը ավելի քան 157 միլիոն եվրոյով տուգանել է Gucci, Chloé և Loewe նորաձևության ընկերություններին՝ վերավաճառքի գների սահմանման համար, ինչը ԵՄ մրցակցության կանոնների խախտում է։
Այս մասին ասված է Եվրոպական հանձնաժողովի մամուլի հաղորդագրությունում, փոխանցում է ՏԱՍՍ-ը:
Եվրոպական հանձնաժողովի հետաքննությունը պարզել է, որ այս երեք ընկերությունները «սահմանափակում էին անկախ վաճառողների հնարավորությունները, որոնց հետ նրանք համագործակցում են, ինքնուրույն սահմանելու նորաձևության տների ապրանքների գները», ասվում է փաստաթղթում։
«Նման հակամրցակցային վարքագիծը հանգեցնում է գների բարձրացման և սպառողների համար ընտրության սահմանափակման։ Տուգանքներ ընդհանուր առմամբ կազմել են ավելի քան 157 մլն եվրո», Նշվում է Եվրահանձնաժողովի հայտարարության մեջ։
