Երկու ընտանիքի Կառավարությունը բնակարան կնվիրի, ի՞նչ սկզբունքով են ընտրվել այդ ընտանիքները

Կառավարության այսօրվա նիստի չզեկուցվող հարցերից մեկը վերաբերում է երկու ընտանիքների բնակելի տարածք նվիրելուն։ 

Ըստ ներկայացված նախագծի՝ Տարածքային կառավարման և ենթակառուցվածքների նախարարության Պետական գույքի կառավարման կոմիտե են մուտքագրվել տեղաբնակ քաղաքացիների դիմումներ՝ իրենց կողմից զբաղեցրած բնակելի տարածքներն իրենց նվիրելու խնդրանքով: Ղեկավարվելով Կարգի պահանջներով՝ Կոմիտեն նախապատրաստել է 2 բնակելի տարածքների բնակիչների՝ իրենց կողմից զբաղեցրած բնակելի տարածքներն իրենց նվիրելու մասին ՀՀ կառավարության որոշման նախագիծ: 

Ընդհանուր հաշվով նախագծով առաջարկվում է 4 անձի  (2 ընտանիք)  նվիրել 2 բնակելի տարածք:

Նախագծի ցանկում ընդգրկվել են Կոմիտեի հաշվեկշռում հաշվառված՝ Հայաստանի Հանրապետության Կոտայքի մարզի Աբովյան քաղաքի Ուսանողական թաղամասի 4 շենքի՝ բնակելի տարածքները: Նշենք, որ այդ բնակելի տները գտնվում են ճարտարագիտական քոլեջի նախկին հանրակացարանում։