Եթե ՀՀ ղեկավարը լիներ գործակալ՝ կաներ ճիշտ այն քայլերը, որը հիմա տեսնում ենք. Ռոբերտ Քոչարյան

ՀՀ 2-րդ նախագահ Ռոբերտ Քոչարյանը դեռ մեկ տարի առաջ էր զգում, որ պատերազմ է լինելու։

«Ամեն ինչ արվում էր պատերազմ հրահրելու համար։ Առաջինը բանակցային գործընթացի ձախողումն էր, որը եղավ Հայաստանի նախաձեռնությամբ, Հայաստանն առաջին անգամ հրաժարվեց բանակցել»,- «5-րդ ալիք»-ին տված հարցազրույցում ասաց նա։

Քոչարյանի խոսքով՝  այն, ինչ արվում էր բանակի հետ՝ սկսած 2018-ից, բերեց բանակի շեշտակի թուլացմանը, ինչը ևս մեկ հանգամանք էր, որը հաշվարկում էր Ադրբեջանը։

«Եվս մեկ հանգամանք կար՝ ռազմավարական դաշնակցի հետ հարաբերությունների վատթարացումն էր, ՀԱՊԿ-ի հետ կոնֆլիկտի մեջ մտնելն էր, ՀԱՊԿ գլխավոր քարտուղարի նկատմամբ քրեական հետապնդումն էր»,- ասաց ՀՀ 2-րդ նախագահը։

Նա նշեց, որ եթե ՀՀ ղեկավարը լիներ գործակալ՝ կաներ ճիշտ այն քայլերը, որը հիմա տեսնում ենք։