Սորոսը ֆինանսավորել է բողոքի ցույցերն ու երիտասարդության արմատականացումը. հետաքննություն կսկսենք. Դոնալդ Թրամփ

ԱՄՆ նախագահ Դոնալդ Թրամփը հայտարարել է, որ իր վարչակազմը պատրաստվում է հետաքննություն սկսել ամերիկացի միլիարդատեր և ֆինանսիստ Ջորջ Սորոսի, ինչպես նաև նրա կազմակերպությունների ցանցի գործունեության վերաբերյալ։

«Արմենպրես»-ի հաղորդմամբ՝ Fox News-ի եթերում Թրամփը հայտարարել է, որ Սորոսը ֆինանսավորել է բողոքի ցույցերն ու երիտասարդության արմատականացումը՝ նպաստելով «ահաբեկչության և ծայրահեղականության թեժացմանը»։

«Մենք կհետևենք, թե ինչ է տեղի ունեցել Սորոսի շուրջ, որպեսզի հասկանանք՝ դա կապված է նաև ՌԻԿՕ-ի (1970թ․ ընդունված ԱՄՆ դաշնային օրենք՝ ուղղված կազմակերպված հանցավորության դեմ պայքարին) հնարավոր կիրառման հետ նրա և մի խումբ այլ անձանց նկատմամբ»,– ընդգծել է Թրամփը։