Հայաստանի հետ կհամագործակցենք՝ հաշվի առնելով Լեռնային Ղարաբաղի հակամшրտությունից քաղած դասերը. Հունաստանի ՊՆ ղեկավար
- Lilit
- Mar 9, 2024
- 1 min read
Հունաստանը Հայաստանի հետ կհամագործակցի պաշտպանական համագործակցության երկկողմ համաձայնագրերի շրջանակում և հաշվի առնելով Լեռնային Ղարաբաղի հակամարտությունից քաղած դասերը։ Այս մասին naftemporiki.gr-ին տված հարցազրույցում ասել է Հունաստանի պաշտպանության նախարար Նիկոս Դենդիասը;
«Անհերքելի է, որ անօդաչու թռչող սարքերի և հակադրոնային համակարգերի ոլորտում տեխնոլոգիական զարգացումներն աշխարհի մակարդակով փոխել են պատերազմելու ձևերը։ Հայաստան կատարած իմ վերջին այցի ժամանակ ես մանրամասն տեղեկացա ժամանակակից մարտադաշտում դրանց օգտագործման մասին: Հիշեցնեմ, որ սա մի երկիր է, որի զինված ուժերի վրա հարձակվել է բանակ, որը զանգվածաբար անօդաչու թռչող սարքեր է օգտագործել, այդ թվում՝ «Բայրաքթար» անօդաչուները։ Այս պատճառով մենք կհամագործակցենք Հայաստանի հետ պաշտպանական համագործակցության երկկողմ համաձայնագրերի շրջանակում և Լեռնային Ղարաբաղի հակամարտությունից քաղած դասերի հիման վրա։ Հունաստանը գիտակցում է այս տեխնոլոգիաների կարևորությունը և ակտիվորեն աշխատում է իր կարողությունների ամրապնդման ուղղությամբ նաև այս ոլորտում», - ասել է հույն նախարարը:
