Այս շաբաթ տեղի կունենա Արեգակի օղակաձև խավարում
Այս շաբաթ սպասվում է Արեգակի խավարում, որի արդյունքում կնկատվի «հրե օղակ» տեսարանը, գրում է apnews.com-ը։
Սակայն ուշագրավ երևույթը տեսանելի կլինի շատ քչերի համար. Արևի օղակաձև խավարումը տեսանելի կլինի հոկտեմբերի 2-ին Զատկի կղզու, Արգենտինայի և Չիլիի հարավում բնակվողների համար:
Մինչդեռ Բրազիլիայի, Պարագվայի, Ուրուգվայի և Հավայան կղզիների բնակիչները կկարողանան տեսնել Արեգակի մասնակի խավարում:
Արեգակի խավարումները տեղի են ունենում տարեկան երկուսից հինգ անգամ: Ապրիլին տեղի էր ունեցել ամբողջական խավարում, որը տեսանելի էր Մեքսիկայի, Կանադայի և ԱՄՆ-ի որոշ հատվածների բնակիչներին:
