Պետությունը ջրծաղիկի մեկ միավոր պատվաստանյութը կգնի 14 500 դրամով, մինչդեռ նախորդ տարի այն 24 000 դրամ էր
2024թ. ՀՀ ջրծաղիկի ներդրման գործընթացը ապահովելու նպատակով, դեռևս 2023թ. նոյեմբերի 17-ին Առողջապահության նախարարությունը հայտարարել է գնման ընթացակարգ` առանց նախահաշվային գնի սահմանման:
Գնման ընթացակարգի արդյունքում 2024թ. հունվարի 9-ին պայմանագիր է կնքվել միակ գնային առաջարկ ներկայացրած մասնակցի հետ` միավոր արժեքը 24000 ՀՀ դրամ:
Առողջապահության նախարարության գնումների պլանով ջրծաղիկի դեմ պատվաստանյութի միավոր արժեքը սահմանվել է 10 000 դրամ: Պայմանագիրը կնքելուց հետո 6 ամսվա ընթացքում, համապապատասխան ֆինանսական միջոցներ չհատկացվելու հիմքով կնքված պայմանագիրը լուծվել է:
Ներկայումս, ՀՀ փուլային սկզբունքով ջրծաղիկի ներդրման գործընթացը ապահովելու նպատակով, «Հիվանդությունների վերահսկման և կանխարգելման ազգային կենտրոն» ՊՈԱԿ-ը կազմակերպել է գնման ընթացակարգ, որի արդյունքում, ջրծաղիկի դեմ պատվաստանյութի համար հաղթող միավոր գին է ընդունվել 14500 ՀՀ դրամը:
Այժմ անհրաժեշտություն է առաջացել իրականացնել վերաբաշխում և 2024 թվականի կարիքների համար պատվաստումների ազգային օրացույցով նախատեսված, նախազորակոչիկների և զորակոչիկների համար պատվաստանյութերը (ջրծաղիկ) ձեռքբերել «Հիվանդությունների վերահսկման և կանխարգելման ազգային կենտրոն» ՊՈԱԿ-ի կողմից: Արդյունքում նախատեսվում է իրականացնել վերաբաշխում 600 մլն դրամի չափով:
