Այս ընթացքում կան բազմաթիվ կուտակված խնդիրներ․ Փաշինյանը՝ Պուտինի հետ նախատեսված հանդիպման մասին
- Lilit
- May 7, 2024
- 1 min read
Ռուսաստանի հետ հարաբերություններում հարցերը բարձրաձայնվում են այդ թվում՝ Հայաստան-Ռուսաստան բարեկամական հարաբերությունների համատեքստից նեգատիվ նյուանսները հանելու նպատակադրումով։ Այս մասին այսօր՝ մայիսի 7-ին, հրավիրված մամուլի ասուլին ասաց վարչապետ Նիկոլ Փաշինյանը՝ անդրադառնալով վաղը ՌԴ նախագահ Վլադիմիր Պուտինի հետ նախատեսված հանդիպմանը։
Լրագրողը հղում անելով ՌԴ նախագահի օգնական Յուրի Ուշակովի երեկվա այն հայտարարությանը, որ կան կուտակտված հարցեր, որոնք պետք է քննարկման առարկա դառնան, Փաշինյանն ասաց․
«Վաղը ես մեկնելու եմ Մոսկվա՝ նախագահելու ԵԱՏՄ խորհրդի նիստին, նաեւ երկկողմ հանդիպում կունենամ ՌԴ նախագահի հետ։ Օրակարգը շատ բազմազան է Ռուսաստանի հետ։ Այս ընթացքում կան բազմաթիվ կուտակված խնդիրներ, որոնց մի մասը բարձրաձայնվել է։ Մենք երբեք այն կարծիքին չենք եղել, որ այդ հարցերը բարձրաձայնվում են բարձրաձայնվելու համար։ Մենք այն կարծիքին ենք եղել, որ այդ հարցերը բարձրաձայնվում են այդ թվում՝ Հայաստան-Ռուսաստան բարեկամական հարաբերությունների համատեքստից նեգատիվ նյուանսները հանելու նպատակադրումով»։
