«26-ին կսկսվեն մետրոյի «Աջափնյակ» կայարանի աշխատանքները», «Մետրոյի զարգացման հարցը դիտարկում ենք ակադեմիական քաղաքի նախագծի շրջանակներում». քննարկում
- Lilit
- Sep 18
- 1 min read
«Աջափնյակ» մետրոյի նախագիծը բաժանել ենք երեք փուլի. այս մասին կառավարության նիստում ասաց Երևանի քաղաքապետ Տիգրան Ավինյանը՝ պատասխանելով վարչապետ Նիկոլ Փաշինյանի հարցին՝ մետրոյի հետ կապված պլաններն ուր են հասել:
«Երեք փուլերը լինելու են՝ Բարեկամություն մետրոյից մինչև կիրճ գտնվող թունելային հատվածի կառուցումը, կամուրջի կառացումը և կամուրջից թունել, դեպի կայարան և հենց բուն կայարանի կառուցումը: Մենք երեք լոտով կհայտարարենք մրցույթներ: Կտեղեկացնենք հնարավոր խոշոր ընկերություններին, որ մասնակցություն ունենան այս մրցույթներին, կունենանք հաղթող և արդեն հաջորդ իսկ քայլով կքննարկենք ֆինանսական միջոցների տրամադրման հարցը: 2026 թվականին կարող ենք սկսել աշխատանքներն Աջափնյակ մերտոյի կայարանում: Աջափնյակ մետրոյի կայարանի կառուցումից հետո Երևանի մետրպոլիտենում մոտավորապես ուղևորահոսքի աճը կլինի մոտ 25 տոկոս»,- ասաց Ավինյանը:
Փաշինյանն էլ նշեց, որ մետրոյի հետագա զարգացման հարցը քննարկում ենք նաև ակադեմիական քաղաքի նախագծի շրջանակներում:
«Այս առումով մետրոյի Աջափնյակ կայարանի կառուցումը շատ կարևոր է: Երբ մենք ակադեմաիական քաղաքի տրանսպորտային համակարգի զարգացման հնարավոր սցենարներ էինք քննարկում, եկանք այն համոզման, որ հնարավորություն ունենք մետրոյի «Աջափնյակ» կայարանից հետո զարգացնել մինչև ակադեմիական քաղաք և ակադեմիական քաղաքի կայարանը մետրոյի արդեն ուղղորդել՝ Չարբախ մետրոյի կայարան և, ըստ էության, կստացվի, որ մենք շրջանաձև մետրոյի երթևեկություն ենք ունենում, որն ավելի էֆեկտիվ կլինի»,- ասաց նա:
Փաշինյանը նշեց, որ պետք է արձանագրել, որ մեր պետությունն իր գոյության ողջ ընթացքում նման մասշտաբի ծրագրեր չի իրականացրել և որ նման մասշտաբի ծրագրերը արագությամբ չեն իրագործվում: «Մեր հասկացողության մեջ պլանավորումը, նախագծումը նախապատրաստումն աշխատանքի մաս չէ»,- ասաց նա:
